العام ادور سبب منك يقربني..واليوم ادور سبب عشان تنساني ...

وقـت العتـــــب راح لاترجـع تعاتبنـي ،،، مات الوفا والبقـا فـي راس وجدانـي



ماني مثل ما انـت خابرنـي وتحسبنـي ،،،حبيبك الاول اصبـــــح واحـدا ثـانـي



خلاص مـــــــات الهـوى لاتهـدم وتبنـي ،،، تركتنـي ليـن جـا النسيــــان نـادانـي



العــــــــــام ادوّر سبـب مـنـك يقربـنـي ،،، واليوم ادور سبـب عشـــان تنسانـي



بعثرتنـي فـي هــــــــواك اليـوم رتبنـي ،،، نسيتني الناس شفني صـرت وحدانـي



كان السهر في هـــــواك اللـي محببنـي ،،، والحين حتى السهر يكبر علـى اجفانـي



اجيـك يمحينـي عتــــــــــابـي ويكتبـنـي ،،، مافيه طـاري عتـب يمـر ماجــــــانـي..



وارجع وانا اقول: وش للجرح جايبنـي ،،، ادري بجرحك ولا ادري ويش ودانـي!!



عن صدق الاحلام جا الواقـع وكذبنـي ،،، وعن فرح الايـام جـا حبــــــك وبكانـي



مليـت اشيـل الامـل والدمـــــع يغلبنـي ،،، واقـول بكـره يجـي للشـــــــوق يلقانـي



ويروح بكره واجـي والوقـت قالبنـي ،،، وارجع على وحدتي واحزاني .. احزاني



بكيـتـك العـــــــــمـر كـلـه يامعذبـنـي ،،، وشفيـك ماتبكـي الليلـه عــــــلـى شانـي



كتبـت ماهـو عشـان تقـول عاجبنـي ،،، مليت مـن جزلـه وصــــــــح الله لسانـي



انا وطن شعـر لـو شعـري مغربنـي ،،، كتبت اجمـل جروحـــــــي لجـل تقرانـي



خـلاص لاتتعـب وترجـع تعاتبـنـي ،،، انا نسيتـك دخيـل جروحـــــك انسانـي



--------------------------------------------------------------------------------

ذوقــــــــــــــــــــــــــــــــــــــــــــــــــــــ
صح لسانك ولسان شاعرها
تقبلي مروري